संस्थेची माहिती

एखादी गोष्ट करायची मनात जर जिद्द असेल तर ती गोष्ट होण्यापासून कोणीच अडवू शकत नाही. क्षत्रिय धारपवार चॅरिटेबल संस्था ही अशाच एका जिद्दी मधून निर्माण झालेली संस्था.

आपल्या समाज बांधवांना एकत्र केल्यानंतर त्यांच्यासाठी काहीतरी करावं आणि ते करत असताना इतरही समाजाचा विकासही आपल्या हातून व्हावा या प्रामाणिक उद्देशाने स्थापन केलेली संस्था म्हणजे क्षत्रिय धारपवार चॅरिटेबल संस्था.

न धैर्येण  बिना लक्ष्मी न शौर्येण बिना जयः
न दानेन बिना  मोक्षो  न ज्ञानेन बिना यशः

वरील सुभाषिताप्रमाणेच धारपवार आणि शौर्य यांच समीकरण जगप्रसिद्ध आहे. पानिपतच्या युद्धात धारपवार घराण्यातल्या सरदारांनी गाजविलेल्या अतुलनीय पराक्रमाचा गौरवशाली इतिहास आहे. आजही धारपवारांच्या गादीवर धारपवार घराण्याचे वंशज त्याच थाटात त्याच मानात विराजमान आहेत. राजा विक्रमादित्य, राजा भोज साबू सिंग राजे पवार अशांसारखे ज्ञानी, पराक्रमी आणि दानी राजे या परमार वंशात होऊन गेले आहेत यांचाच आदर्श ठेवून धारपवार घराण्याकडून धर्मादाय स्वरूपाची कार्य व्हावीत असा मानस ठेवून क्षत्रिय धारपवार चॅरिटेबल संस्था ची १० मार्च २०२२ रोजी स्थापना करण्यात आली.

फक्त धारपवार समाजातीलच नव्हे तर इतर सर्व समाज घटकांचा शैक्षणिक, भौतिक, सांस्कृतिक तसेच सामाजिक विकास व्हावा हा उद्देश डोळ्यांसमोर ठेवून संस्थेची स्थापना केली गेली. हा उद्देश पूर्ण करण्याकरता ट्रस्टचे विश्वस्त सदस्य आणि इतर बांधव आपले शंभर टक्के योगदान देतील असा आम्हाला विश्वास आहे.

ध्येय खूप मोठे आहे पण आपणा सर्वांची साथ मिळाल्यास या ध्येयापर्यंत आपण सहज पोहोचू याची आम्हाला खात्री आहे आणि १० मार्च २०२२ रोजी लावलेले हे छोटेसे रोपटे नक्की वटवृक्ष होईल यात काही शंका नाही.